Алик Шпекбаев апта сайын азаматтарды қабылдайды

Алик Шпекбаев апта сайын азаматтарды қабылдайды

BigNews.kz |Сыбайлас жемқорлыққа қарсы іс-қимыл агенттігінде азаматтарды жеке қабылдауды ұйымдастыру бойынша жұмысқа ерекше назар аударылады.

Сыбайлас жемқорлыққа қарсы қызмет аталған кезеңде азаматтардың жеке мәселелері бойынша 621 қабылдау өткізді.

Аумақтық департаменттер басшылығының өңірлерде көшпелі қабылдаулар өткізетіндігін жеке атап кету керек.

Төраға өтініштерді уақтылы қарау маңыздылығын ескере отырып, өзінің азаматтарды жеке қабылдауды аптай саыйн жүргізу, ал төрағаның орынбасарлары, құрылымдық және аумақтық бөлімшелер басшыларының күнделікті негізде қабылдауы туралы шешім шығарды.

Жұртшылықпен тікелей және кері байланыс үшін Call-орталық 1424 тұрақты түрде жұмыс жасауда, онда азаматтарға ақпараттық-консультациялық қолдау көрсетіледі. «Электронды үкімет» порталында төрағаның жеке блогы, Агенттіктің және төрағаның, аумақтық департаменттер мен олардың басшыларының әлеуметтік желілердегі парақшалары, сондай-ақ төрағаның жеке электронды поштасы жұмыс істейді.

Өтініштерді қарау сапасы мәселесі Сыбайлас жемқорлыққа қарсы қызмет жұмысының басым бағыттарының бірі ретінде танылып, азаматтардың құқықтарын қорғау үшін құзыреті шегінде бар күш-жігерді жұмсай отырып, мәселелерді жедел әрі жан-жақты қарау басты қағидаттар болып табылады.

Осыған байланысты, Агенттікте өтініштерді қарау сапасын бақылауға Агенттік төрағасының көмекшісі бекітіліп, ал аумақтық департаменттерде тиісті бұйрықтармен жауапты тұлғалар айқындалды.

Бүгінгі күннен бастап Агенттік басшылығы «Ашық диалог» порталында онлайн режимінде азаматтарды қызықтыратын мәселелер бойынша ай сайын интернет-конференциялар өткізетін болады.

Сондай-ақ орталықта және жергілікті жерлерде ашықтық, кедергісіз қызметтер көрсету қағидаты бойынша азаматтарды қабылдау үшін, бөлек орналасқан сервистік орталықтар салу жұмыстары жүргізілуде.

Осымен қатар, Агенттікте сыбайлас жемқорлыққа қарсы іс-қимыл бағыты бойынша құқықтық көмек көрсететін Азаматтарға консультациялар беру орталығын ашу мәселесі пысықталуда.

Осылайша, Агенттік ашықтық қағидаты тұрғысында жұмыс атқарады және азаматтарды сыбайлас жемқорлыққа қарсы бірлескен іс-қимылға шақырады.

Агенттіктің байланыс мәліметтері ведомствоның ресми сайтында, «Ашық диалог» порталында орналастырылған.

17:37
570

Комментарии

Нет комментариев. Ваш будет первым!
Новости Партнеров: